تل ابیب،2 مارچ (یو این آئی)  اسرائیلی وزیر دفاع اسرائیل کاٹز نے اعلان کیا ہے کہ حزب اللہ کے سربراہ شیخ نعیم قاسم اب اسرائیل کی ہٹ لسٹ پر ہیں اور انہیں کسی بھی وقت نشانہ بنایا جا سکتا ہے۔ 
سوشل میڈیا پلیٹ فارم 'ایکس' پر جاری اپنے بیان میں اسرائیل کاٹز نے کہا کہ اسرائیل پر حملوں کی پاداش میں حزب اللہ کو "بھاری قیمت" چکانی پڑے گی، اسرائیلی وزیر دفاع نے کہا نعیم قاسم اب سے ہمارے لیے ایک 'نشان زدہ ہدف' ہیں۔