لکھنؤ، 22 مئی (یواین آئی) اکھلیش یادو نے شدید گرمی کے دوران اتر پردیش میں بجلی کے بحران کو لے کر بھارتیہ جنتا پارٹی (بی جے پی) حکومت پر طنز کرتے ہوئے کہا ہے کہ نئے بجلی گھر قائم کرنا حکومت کے بس کی بات نہیں ہے۔ 
انہوں نے سوشل میڈیا پلیٹ فارم ایکس پر لکھاکہ "نئے بجلی پلانٹ لگانا تو آپ کے بس میں تھا نہیں، نہ ہی آپ کی محدود سوچ میں۔ اگر منہ سے ہی '3x660 سپر کریٹیکل تھرمل پاور پلانٹ' کہہ دیتے تو گرمی سے جھلس رہے صوبے کے عوام کو سن کر ہی کچھ راحت مل جاتی۔" 
انہوں نے مزید کہاکہ "بی جے پی کے دورِ حکومت میں اتر پردیش میں صرف بجلی کی 'مانگ' یا 'قیمت' بڑھ رہی ہے، سپلائی نہیں۔ بی جے پی راج میں یوپی خستہ حال ہے۔" 
انہوں نے اپنے پیغام کے ساتھ اسمارٹ نگر، لکھنؤ، راجدھانی اور اتر پردیش جیسے الفاظ بھی شامل کیے۔ 
قابلِ ذکر ہے کہ ان دنوں اتر پردیش میں شدید گرمی پڑ رہی ہے اور کئی اضلاع سے بجلی کٹوتی کی شکایات موصول ہو رہی ہیں۔ اپوزیشن مسلسل بجلی بحران کو لے کر حکومت کو نشانہ بنا رہی ہے۔