جکارتہ، 17 جون (یو این آئی) انڈونیشیا کے سینٹرل سلاویسی صوبے میں تیز زلزلے کے باعث ایک شخص کی موت ہو گئی اور 40 دیگر زخمی ہوئے ہیں۔ انڈونیشیا کی نیشنل ڈیزاسٹر مینجمنٹ ایجنسی کے مطابق منگل کو آئے زلزلے کی شدت ریکٹر اسکیل پر 6.7 ماپی گئی ہے۔ زلزلے سے 300 سے زیادہ لوگ متاثر ہوئے ہیں۔ ایجنسی نے بتایا کہ کم از کم 25 لوگوں کو معمولی چوٹیں آئیں اور 13 لوگ شدید طور پر زخمی ہوئے ہیں۔ ساتھ ہی، کئی اضلاع میں تقریباً 110 خاندان یا 312 لوگ متاثر ہوئے۔