راجدھانی دہلی اور این سی آر کا موسم آج اچانک بدل گیا۔ کچھ دنوں سے گرمی اور حبس کا سامنا کر رہے لوگوں کو اس وقت راحت ملی جب جمعہ کے روز دہلی-این سی آر کے کئی حصوں میں زوردار بارش نے موسم خوشگوار بنا دیا۔ بارش کے درمیان محکمہ موسمیات نے آئندہ کچھ گھنٹوں کے لیے ریڈ الرٹ بھی جاری کر دیا ہے۔ لگاتار بارش کے سبب کچھ علاقوں میں عارضی آبی جماؤ کا مسئلہ دیکھنے کو مل سکتا ہے، اور اس کا اثر ٹریفک کے رفتار بھی پڑنے کا امکان ہے۔
غور کرنے والی بات یہ ہے کہ جھماجھم ہو رہی بارش کا اثر کچھ علاقوں میں فوری طور پر دکھائی دینے لگا ہے۔ گیلی سڑک پر گاڑیاں رینگتی نظر آ رہی ہیں اور کچھ علاقوں میں آبی جماؤ کی وجہ سے ٹریفک جام بھی دیکھنے کو مل رہا ہے۔ بارش اور دھند جیسے موسم کی وجہ سے ویزیبلٹی (مرئیت) بھی کم ہو گئی ہے۔
بارش کا اثر منڈی ہاؤس، کاپرنیکس مارگ، بھگوان داس روڈ اور تلک مارگ جیسے اہم راستوں پر خاص طور سے دیکھنے کو مل رہا ہے۔ ان علاقوں میں ٹریفک رینگتی ہوئی دکھائی دے رہی ہے اور جگہ جگہ عارضی جماؤ کا مسئلہ بھی دیکھنے کو مل رہا ہے۔ حالانکہ بارش کے باوجود دھولا کنواں کی مصروف سڑک پر میٹرو اور فلائی اوور کے نیچے سے بڑی تعداد میں گاڑیاں بہ آسانی گزرتی ہوئی دکھائی دے رہی ہیں۔
