ممبئی، 2 جنوری (یواین آئی) بیرون ملک سے مثبت اشارے کے درمیان مقامی اسٹاک مارکیٹوں میں جمعہ کو اضافہ ہوا، بی ایس ای کے 30 حصص پر مشتمل سینسیکس 573.41 پوائنٹس (0.67 فیصد) بڑھ کر 85,762.01 پر بند ہوا۔ 
مارکیٹ میں شروع سے ہی تیزی رہی۔ نیشنل اسٹاک ایکسچینج کا نفٹی 50 انڈیکس 182 پوائنٹس یا 0.70 فیصد بڑھ کر 26,328.55 پر آگیا۔ 
بڑے پیمانے پر خرید و فروخت کے درمیان یکم فروری سے پان مسالہ، سگریٹ، بیڑی اور دیگر تمباکو مصنوعات پر سیس اور ٹیکس میں اضافے کے نوٹیفکیشن کے بعد ایف ایم سی جی کمپنی آئی ٹی سی کے حصص میں مسلسل دوسرے دن کمی آئی۔ آج اس کا اسٹاک 2.75 فیصد گر گیا۔ 
مڈ کیپ اور اسمال کیپ انڈیکس میں بھی اضافہ ہوا۔ نفٹی مڈ کیپ 50 انڈیکس میں 0.94 فیصد اضافہ ہوا، اور اسمال کیپ 100 انڈیکس میں 0.72 فیصد اضافہ ہوا۔
ایف ایم سی جی کے علاوہ تمام شعبوں میں اضافہ دیکھا گیا۔ رئیلٹی، میٹلز، آٹو، فائنانس، بینکنگ اور کنزیومر ڈیریبل گروپس کی کمپنیوں میں زبردست خریداری ہوئی۔ 
این ٹی پی سی کے حصص میں چار فیصد سے زیادہ اضافہ ہوا۔ ٹرینٹ میں ڈھائی فیصد سے زیادہ کا اضافہ ہوا۔ بجاج فائنانس، پاور گرڈ، ماروتی سوزوکی، اسٹیٹ بینک آف انڈیا، بی ای ایل، آئی سی آئی سی آئی بینک، ریلائنس انڈسٹریز، مہندرا اینڈ مہندرا، ہندوستان یونی لیور اور ایچ ڈی ایف سی بینک کے حصص میں ایک سے دو فیصد کے درمیان اضافہ ہوا۔ انفوسس، ٹی سی ایس، ایشین پینٹس، سن فارما، ایل اینڈ ٹی، ٹاٹا اسٹیل، اور اڈانی پورٹس کے حصص بھی سبز رنگ میں بند ہوئے۔ 
آئی ٹی سی کے علاوہ کوٹک مہندرا بینک بھی ایک فیصد سے زیادہ گر گیا۔ ایکسس بینک کے حصص بھی گر گئے۔