نئی دہلی، 21 اگست (بی جے پی) بھارتیہ جنتا پارٹی (بی جے پی) کے رکن پارلیمنٹ روی شنکر پرساد نے کانگریس رہنما راہل گاندھی پر انارکی کی سیاست کرنے اور قانون کا احترام نہ کرنے کا الزام لگایا ہے۔
روی شنکر پرساد نے جمعہ کو پارلیمنٹ اسٹریٹ  پولیس اسٹیشن میں دھرنے پر بیٹھنے پر راہل گاندھی کو نشانہ بنایا۔ انہوں نے صحافیوں سے بات کرتے ہوئے کہا کہ یہ بہت افسوس ناک ہے کہ قائد حزب اختلاف راہل گاندھی انارکی کی سیاست کر رہے ہیں۔ وہ بغیر کسی اجازت یا اطلاع کے پارلیمنٹ اسٹریٹ  پولیس اسٹیشن کے باہر دھرنے پر بیٹھ گئے۔ انہوں نے کہا کہ پولیس نے انہیں بتایا ہے کہ جس واقعے کا وہ ذکر کر رہے ہیں، اس پر پہلے ہی ایف آئی آر درج ہو چکی ہے اور اس کی جانچ چل رہی ہے۔ سب سے اہم بات یہ ہے کہ جو لوگ متاثر تھے، وہ سپریم کورٹ گئے اورعدالت  نے اس معاملے کی جانچ کے لیے ایک اعلا سطحی کمیٹی بنائی ہے۔
انہوں نے سوال کیا، "راہل، کیا آپ کسی بھی قانون کا احترام نہیں کرنا چاہتے؟ ہمیں شک ہے اور ہمارا الزام ہے کہ کانگریس اب قومی گیت  'وندے ماترم' پر اپنے موقف کی وجہ سے مشکل میں پھنسی ہوئی ہے۔ راہل کی قیادت والی کانگریس ابھی جو کر رہی ہے، ہم اس کی مذمت کرتے ہیں۔"