تمل ناڈو کے وزیر اعلیٰ ایم۔ کے۔ اسٹالن نے دہلی کی وزیر اعلیٰ ریکھا گپتا کو خط لکھ کر جنوب-مشرق کے جنگ پورہ میں مدراسی کیمپ کو تباہ کیے جانے کے بعد پیدا ہوئے انسانی بحران پر گہری تشویش کا اظہار کیا ہے۔ واضح ہو کہ اس انہدامی کارروائی میں 370 تمل خاندان متقنل ہو گئے، جو دہائیوں سے اس علاقے میں رہ رہے تھے۔
وزیر اعلیٰ اسٹالن نے دہلی حکومت کو خط لکھ کر ان کنبوں کے سامنے آنے والے بحران کو کم کرنے کے لیے فوری اقدامات کرنے کی گزارش کی، جن میں سے کئی لوگوں نے دہلی کی معیشت اور سماج میں اہم تعاون ادا کیا ہے۔
اسٹ.الن نے اپنے خط میں ذکر کیا کہ ہائی کورٹ کے حکم کے مطابق ایک مشترکہ سروے میں 189 کنبوں کو ای ڈبلیو ایس فلیٹ کے لیے اہل پایا گیا۔ عدالت نے سرکاری ایجنسیوں کو نریلا میں ضروری خدمات فراہم کرنے کی ہدایت دی، جس میں پانی، بجلی، صفائی اور سڑکیں شامل ہیں۔ اس کے علاوہ عدالت نے منتقل بچوں کے لیے اسکولوں میں داخلہ یقینی کرنے، بنیادی صحت مرکز اور مناسب قیمت کی دکان قائم کرنے کی بھی ہدایت دی۔
نریلا میں الاٹ فلیٹوں کی حالت پر تشویش کا اظہار کرتے ہوئے اسٹالن نے کہا کہ یہ ناکافی خدمات کی وجہ سے رہائش کے قابل نہیں ہیں۔ 181 دیگر کنبوں کو متبادل رہائش نہیں ملا ہے۔ یہ انہدامی کارروائی باراپولا نالے کے کنارے تجاوزات ہٹانے کے لیے کی گئی تھی جو شدید بارش کے دوران سیلاب کے مسئلہ کی وجہ بنتا ہے۔
واضح رہے کہ عدالت نے دہلی حکومت کو آس پاس کے سرکاری اور ایم سی ڈی اسکولوں میں منتقل بچوں کے لیے فوری طور پر داخلہ کو یقینی کرنے سمیت 2016 کی پالیسی کے مطابق ضروری ڈی ٹی سی اور میٹرو ٹرانسپورٹ لنک کا انتظام کرنے کی بھی ہدایت دی ہے۔
