ابوظہبی، 15 اپریل (یو این آئی) اسرائیل کے وزیر اعظم بنجمن نیتن یاہو ایران کے خلاف بڑا فوجی آپریشن شروع کر سکتے ہیں۔
این  بی سی نیوز نے اپنی رپورٹ میں دو سینئر عرب حکام کے حوالے سے کہا ہے کہ  مسٹر نیتن یاہو ایران کے اسرائیل پر بڑے پیمانے پر ڈرون اور میزائل حملوں  کے جواب میں جنگ شروع کر سکتے ہیں۔
آئی ڈی ایف کے اعداد و شمار کے  مطابق، ہفتے کی رات، ایران کے اسلامی انقلابی گارڈ کور نے اسرائیلی سرزمین  پر اپنے پہلے حملے میں اسرائیل پر 300 سے زیادہ ڈرون اور میزائل داغے۔ یہ  حملہ یکم اپریل کو دمشق میں ایرانی قونصل خانے پر اسرائیلی فضائی حملے کے  جواب میں کیا گیا۔
اسرائیل کی دفاعی افواج کے ترجمان ڈینیئل ہگاری  نے کہا کہ اسرائیل نے تمام ڈرون سمیت ایران کی طرف سے داغے گئے 99 فیصد  فضائی اہداف کو تباہ کر دیا ہے۔