لکھنؤ، 31 اگست (یو این آئی) سماجوادی پارٹی (ایس پی) کے قومی صدر اکھلیش یادو نے پیر کو بھارتیہ جنتا پارٹی (بی جے پی) پر الزام لگاتے ہوئے کہا کہ اتر پردیش میں انتخابات سے پہلے ووٹر لسٹ میں ہیرا پھیری کی تیاری کی جا رہی 
انہوں نے پارٹی کارکنوں سے بوتھ سطح تک سرگرم ہو کر پی ڈی اے کے نعرے کے ساتھ سماجی انصاف کی حکومت بنانے کے لیے جٹ جانے کی اپیل کی۔ پیر کو پارٹی دفتر پر منعقدہ پریس کانفرنس میں اکھلیش یادو نے کہا کہ بھارتیہ جنتا پارٹی پی ڈی اے خاندان کے لوگوں کے ساتھ ناانصافی کر رہی ہے۔ انہوں نے الزام لگایا کہ ایس آئی آر کے بعد فارم-7 بھروائے گئے ہیں اور اب انتخابات سے پہلے پھر سے تصدیق پر عمل درآمد کرایا جائے گا۔ ان کا الزام تھا کہ اس عمل کے ذریعے ووٹر لسٹ کو متاثر کرنے کی کوشش ہوگی۔ مسٹر یادو نے کہا کہ انتخابات سے پہلے بہار، مدھیہ پردیش اور چھتیس گڑھ سے لوگوں کو لا کر ان کے ووٹ شامل کیے جائیں گے۔ انہوں نے اسے بی جے پی کا انتخابی منصوبہ بتاتے ہوئے کہا کہ اپنے لوگوں کے ووٹ ووٹر لسٹ میں شامل کرانے کی تیاری کی جا رہی ہے۔
ایس پی صدر نے کہا کہ پارٹی بوتھ سطح تک تنظیم کو مضبوط کرے گی۔ 'پی ڈی اے' کے نعرے کے تعلق سے سماجی انصاف کی حکومت بنانے کے لیے کارکن عوام کے درمیان جائیں گے۔ انہوں نے کارکنوں سے ووٹر لسٹ پر نظر رکھنے اور پارٹی حامیوں کے نام فہرست میں یقینی بنانے کی اپیل کی۔ اخلیش یادو نے ریاست کی امن و قانون کی صورتحال کے تعلق سے بھی بی جے پی حکومت پر تنقید کی۔ انہوں نے دعویٰ کیا کہ حراست میں موت کے معاملات میں اتر پردیش نمبر ایک پر آ چکا ہے۔ بدایوں ضلع میں ہوئی حراستی موت کا ذکر کرتے ہوئے انہوں نے پولیس کے اندازِ کار پر سوال کھڑے کیے۔
انہوں نے کہا کہ پولیس حراست میں موت سنگین معاملہ ہے اور ایسے معاملات میں ذمہ داری طے ہونی چاہیے۔ ایس پی صدر نے ریاست کی امن و قانون کی صورتحال پر سوال اٹھاتے ہوئے حکومت سے پولیس کے طرز عمل اور حراست میں ہونے والی موتوں کے معاملے میں موثر کارروائی کا مطالبہ کیا۔