بھوپال، 4 مئی (یو این آئی) مدھیہ پردیش کے سابق وزیر اعلی شیوراج سنگھ چوہان نے مغربی بنگال کا ذکر کرتے ہوئے کہا ہے کہ وہاں "ماں، مٹی، مانش کی توہین کی گئی اور ریاست میں جنگل راج جیسی صورتحال پیدا ہوگئی تھی۔
انہوں نے الزام لگایا کہ ووٹ بینک کی سیاست نے دراندازی کی حوصلہ افزائی کی جس سے عوام میں شدید ناراضگی پیدا ہوئی۔ انہوں نے کہا کہ یہی وجہ ہے کہ عوام ایک طرفہ بھارتیہ جنتا پارٹی  کے ساتھ کھڑی نظر آرہی ہے اور وزیر اعظم نریندر مودی کو زبردست حمایت حاصل ہوئی ہے۔ 
مسٹر چوہان نے کہا کہ اپوزیشن انتخابی شکست کے بعد بہانے بنا رہی ہے اور ای وی ایم اور دیگر عمل پر سوال اٹھانا مایوسی کا نتیجہ ہے۔ انہوں نے کہا کہ عوام کا جو آشیرواد ملا ہے، وہ نایاب ہے اور اسے ملک ہی نہیں بلکہ دنیا بھی دیکھ رہی ہے۔
انہوں نے یقین ظاہر کیا کہ یہ شاندار فتح متوقع تھی اور اس کے نتائج اس سمت میں آرہے ہیں۔ انہوں نے کہا کہ ایک کارکن کی حیثیت سے وہ جذباتی ہیں اور یہ ایک خواب پورا ہونے جیسا ہے۔
مسٹر چوہان نے کہا کہ وزیر اعظم مودی کی قیادت میں یہ جیت غیر معمولی ہے اور ترقی یافتہ ہندوستان کے خیال کی جیت ہے۔ انہوں نے مرکزی وزیر داخلہ امت شاہ کی حکمت عملی کی بھی تعریف کی اور پارٹی قیادت کو مبارکباد دی۔