ممبئی، 17 فروری (یو این آئی) آئی ٹی اور بینکنگ سیکٹرز میں  گھریلو اسٹاک مارکیٹوں میں منگل کو ابتدائی گراوٹ کے بعد تیزی رہی۔
بی ایس ای کا 30 حصص کا حساس انڈیکس سینسیکس 173.81 پوائنٹس (0.21 فیصد) بڑھ کر 83,450.96 پر بند ہوا۔ نیشنل اسٹاک ایکسچینج کا نفٹی 50 انڈیکس 42.65 پوائنٹس یعنی 0.17 فیصد بڑھ کر 25,725.40 پر پہنچ گیا۔
درمیانی اور چھوٹی کمپنیوں میں بھی تیزی رہی۔ نفٹی مڈ کیپ 50 انڈیکس 0.14 فیصد اور اسمال کیپ 100 انڈیکس 0.56 فیصد بڑھ کر بند ہوا۔
آئی ٹی، پبلک سیکٹر کے بینکوں، ایف ایم سی جی، آٹو، میڈیا، فارما، کنزیومر ڈیریبل اور ہیلتھ کیئر سیکٹر میں خریداری کا  زور رہا۔ میٹل، رئیلٹی اور تیل و گیس کے شعبوں میں کمی ہوئی۔
سینسیکس کی کمپنیوں میں، آئی ٹی سی اور بی ای ایل کے حصص میں دو فیصد سے زیادہ کا اضافہ ہوا۔ ایل اینڈ ٹی، انفوسس، ایشین پینٹس، اڈانی پورٹس، ٹائٹن، ایچ سی ایل ٹیکنالوجیز اور سن فارما کے حصص میں ایک سے دو فیصد اضافہ ہوا۔ ماروتی سوزوکی، ٹیک مہندرا، انڈیگو، اسٹیٹ بینک آف انڈیا اور ٹی سی ایس کے حصص سبز نشان میں رہے۔
کووالٹی والز کا شیئر تقریباً پانچ فیصد گرگیا۔ ایٹرنل، ٹاٹا اسٹیل اور ٹرینٹ کے حصص ایک سے دو فیصد کے درمیان گرے۔ ریلائنس انڈسٹریز، مہندرا اینڈ مہندرا، بجاج فنسرو، ایکسس بینک، بھارتی ایئرٹیل اور کوٹک مہندرا بینک کے حصص بھی سرخ نشان میں رہے۔