رانچی، 12 مارچ (یو این آئی) آنے والے تہواروں کے پیش نظر جھارکھنڈ کے وزیر اعلیٰ ہیمنت سورین نے ریاستی پولیس کو ہر قیمت پر بہتر امن و امان برقرار رکھنے کو یقینی بنانے کی ہدایت دی ہے۔
بدھ کو مسٹر سورین نے جھارکھنڈ سکریٹریٹ میں آنے والے تہواروں کے پیش نظر ریاست میں امن و امان برقرار رکھنے کا اعلیٰ سطحی جائزہ لیا اور سینئر پولیس افسران کو ضروری ہدایات دیں۔ انہوں نے پولس افسران کو ہدایت دی کہ وہ ہولی، سرہول، عید، رام نوامی وغیرہ جیسے تہواروں کے پیش نظر ریاست میں ہر قیمت پر بہتر امن و قانون کی برقراری کو یقینی بنائیں۔ تہواروں کو جرائم سے پاک ماحول میں باہمی محبت اور ہم آہنگی کے ساتھ منایا جانا چاہیے۔
وزیر اعلیٰ نے کہا کہ پولیس کو پوری چوکسی کے ساتھ الرٹ موڈ پر رہنا چاہیے تاکہ ریاست کے کسی بھی علاقے میں کوئی معمولی ناخوشگوار واقعہ، فرقہ وارانہ کشیدگی یا کسی قسم کا تنازعہ رونما نہ ہو۔ ان علاقوں میں جہاں فرقہ وارانہ کشیدگی یا جھگڑے کا امکان ہو وہاں خصوصی چوکسی برتی جائے۔
مسٹر سورین نے پولس افسران کو ہدایت دی کہ وہ شناخت شدہ حساس علاقوں میں امن کمیٹی کے ساتھ باقاعدگی سے میٹنگ کریں اور تال میل قائم کریں۔ پرہجوم مقامات اور مذہبی مقامات پر پولیس فورس تعینات کریں اور شرپسند عناصر پر کڑی نظر رکھتے ہوئے سخت کارروائی کو یقینی بنائیں۔ انہوں نے تہواروں کے دوران سوشل میڈیا پر کڑی نگرانی رکھنے کی بھی ہدایت کی۔ افواہیں پھیلانے والوں کے خلاف سخت کارروائی کو یقینی بنایا جائے۔
میٹنگ کے دوران ریاستی ڈائرکٹر جنرل آف پولیس مسٹر انوراگ گپتا نے چیف منسٹر کو جرائم پر قابو پانے کے لئے کئے جا رہے کام کے بارے میں تازہ ترین اطلاعات دیں۔
اس موقع پر چیف سکریٹری محترمہ الکا تیواری، ایڈیشنل چیف سکریٹری اویناش کمار، محکمہ داخلہ کی پرنسپل سکریٹری محترمہ وندنا ڈڈیل، ڈی جی پی انوراگ گپتا، انسپکٹر جنرل آف پولیس اسپیشل برانچ پربھات کمار، انسپکٹر جنرل آف پولیس آپریشنز اے وی ہومکر، انسپکٹر جنرل آف پولیس کرائم انویسٹی گیشن ڈیویژن کے سینئر انسپکٹر جنرل پولیس انسپکٹر جنرل منکرت اور دیگر افسران موجود تھے۔ میٹنگ میں