واشنگٹن، 15 مارچ (یو این آئی) امریکہ نے جنوبی افریقہ کے سفیر کو صدر ٹرمپ سے نفرت کی بنیاد پر ملک بدر کیا ہے۔
 غیر ملکی خبر رساں  ایجنسی کے مطابق امریکی وزیرِ خارجہ مارکو روبیو نے الزام عائد کیا ہے کہ جنوبی افریقی سفیر ابراہیم رسول امریکہ اور صدر ٹرمپ سے نفرت کرتے ہیں۔
جنوبی افریقہ کے صدر نے امریکی اقدام پر ردِعمل ظاہر کرتے ہوئے اسے افسوس ناک قرار دیا ہے۔
جنوبی افریقی حکومت نے سفارتی آداب کو برقرار رکھنے پر زور دیتے ہوئے کہا ہے کہ ہم امریکہ کے ساتھ تعمیری تعلقات رکھنا چاہتے ہیں۔
واضح رہے کہ اس سے قبل ٹرمپ انتظامیہ نے جنوبی افریقہ کی امداد معطل کر دی تھی۔
میڈیا رپورٹس کے مطابق امریکہ نے ایک متنازع قانون کی بنیاد پر جنوبی افریقہ کی امداد معطل کی تھی، جس کے تحت مبینہ طور پر سفید فام کسانوں کی زمینیں ضبط کی جا سکتی ہیں۔