Jadid Khabar

روبوٹ پولیس اور خودکار گاڑیاں عنقریب دبئی کی پہچان بنے گی

Thumb

ابو ظہبی ،14فروری ( ایجنسی) متحدہ عرب امارات کے عالمی تجارتی اور سیاحتی مرکز دبئی جلد ہی ’اسمارٹ سٹی‘ کا درجہ حاصل کرنے والا ہے۔ دبئی کی سڑکوں پر روبوٹ ٹریفک پولیس کا آغاز کردیا گیا ہے۔ جلد ہی پوری ٹریفک پولیس اور اس کے دیگر محکموں میں بھی روبوٹ تعینات کر کے مصنوعی ذہانت پر مبنی ٹکنالوجی کا بھرپور استعمال کیا جائے گا۔ان خیالات کا اظہار دبئی پولیس کے اسمارٹ سروسز جنرل ڈیپارٹمنٹ کے ڈائریکٹر بریگیڈیئر خالد ناصر الرزقی نے ’العربیہ ڈاٹ نیٹْ‘ سے خصوصی گفتگو کے دوران کیا۔ انہوں نے بتایا کہ دبئی میں انسان کے متبادل ’اسمارٹ پولیس مرکز‘ کا افتتاح کیا گیا ہے۔ یہ مرکز دبئی ایمرٹیس میں جدید ٹکنالوجی اور مصنوعی ذہانت کو استعمال کرتے ہوئے روبوٹ کی مدد حاصل کرے گا۔ روبوٹ پولیس کے بعد دبئی کی سڑکوں پر جلد ہی بغیر ڈرائیور خود کار گاڑیاں بھی چلائی جائیں گی۔بریگیڈیئر الرزقی نے ’X 10‘ پروگرام کا اعلان کرتے ہوئے بتایا کہ دبئی شہر دنیا کے جدید آئیڈیاز کے مطابق آگے بڑھنے والے 10 شہروں میں شامل ہے۔ اسی ضمن میں ’Eyes Program‘ کا آغاز کیا گیا ہے۔ اس پروگرام کا مقصد دبئی میں سرکاری سطح پر لگائے گئے تمام کیمروں کو باہم مربوط کرنا اور ان کیمروں کی رینج میں آنے والے افراد کی شناخت، موٹر فٹ پرنٹ اور چہرے کی شناخت ممکن بنائے جا سکے گی۔ اس طرح دبئی کو دنیا کا محفوظ ترین شہر بنایا جا سکے گا۔بریگیڈیئر الرزقی نے بتایا کہ پولیس مرکز میں اسمارٹ سروسز کوغیر معمولی پزیرائی حاصل ہوئی ہے۔ گذشتہ برس ستمبر میں اس مرکز کے افتتاح کے بعد اس میں روزمرہ کے کاموں کی انجام دہی کے لیے 1000 روبوٹ تعینات کیے گئے ہیں، جو بغیر انسانی مدد کے خودکار طریقے سے اپنا کام سرانجام دیتے ہیں۔

Ads