چھپرا، 02 اگست (یو این آئی) بہار میں سارن ضلع کے مانجھی، کھیرا اور رسول پور تھانہ علاقے میں آسمانی بجلی گرنے سے تین لوگوں کی موت ہو گئی۔
 پولیس ذرائع نے جمعہ کو یہاں بتایا کہ ضلع کے مانجھی تھانہ علاقہ کے نرون ٹولا گاؤں کا رہنے والا لالن یادو (60) جمعرات کی شام اپنے گھر کے سامنے کھڑا تھا، اسی دوران آسمانی بجلی گر گئی جس کی وجہ سے وہ جھلس کر ہلاک ہو گیا۔

 ذرائع نے بتایا کہ ضلع کے کھیرا تھانہ علاقہ کے رام پور فیلڈ میں جمعرات کی شام دیر گئے بجلی گرنے سے متھلیش کمار رائے (19) جھلس گیا۔ متھیلیش کو علاج کے لیے قریبی اسپتال لایا گیا، جہاں ڈاکٹر نے اسے مردہ قرار دے دیا۔

 ذرائع نے بتایا کہ ضلع   رسول پور تھانہ علاقہ کے بنپورہ گاؤںمیں   رامیشور پرساد (48)جمعرات کی شام دیر گئے آسمانی بجلی کی زد میں آکر جھلس کر ہلاک ہوگیا۔ واقعے کی اطلاع ملتے ہی پولیس موقع پر پہنچ گئی اور تینوں لاشیں  پوسٹ مارٹم کے لیے صدر اسپتال چھپرہ بھیج دیں۔